इंद्रायणी महाविद्यालयाला 19 वर्षाखालील शालेय तालुकास्तरीय खो-खो मुलांच्या स्पर्धेत उपविजेतेपद
तळेगाव दाभाडे:
शुक्रवार दिनांक 23 ऑगस्ट रोजी जैन इंग्लिश स्कूल व ज्युनिअर कॉलेज येथे झालेल्या पुणे जिल्हा क्रीडा परिषद, जिल्हा क्रीडा कार्यालय अंतर्गत शालेय तालुकास्तरीय खो-खो स्पर्धेत इंद्रायणी कनिष्ठ महाविद्यालयातील अटीतटीच्या सामन्यांमध्ये मुलांच्या संघाने चांगल्या रीतीने कामगिरी करून उपविजेते पद भूषविले.
इंद्रायणी विद्या मंदिर संस्थेचे अध्यक्ष श्री रामदास आप्पा काकडे, संस्थेचे कार्यवाह श्री चंद्रकांत शेटे, प्राचार्य डॉक्टर संभाजी मलघे, तसेच उपप्राचार्य श्री.संदीप भोसले यांनी खेळाडूंचे कौतुक केले, अभिनंदन केले व पुढील वाटचालीस शुभेच्छा दिल्या. खेळाडूंना मार्गदर्शन क्रीडा शिक्षिका प्रा. प्रतिभा गाडेकर मॅडम व गोरख काकडे सर यांनी केले.
