पिंपळ खुंटे गावातील शेतकऱ्यांसाठी बियाणे गोळ्यांचे प्रात्यक्षिक

मावळ :

कृषी दिन निमित्त पिंपळ खुंटे गावात बियाणे गोळ्यांचे (सीड बॉल्स) प्रात्यक्षिक आयोजित करण्यात आले होते. या प्रात्यक्षिकात, गावकऱ्यांनी बियाणे गोळ्या बनवण्याची प्रक्रिया शिकली. या उपक्रमाचा उद्देश म्हणजे कमी खर्चात आणि सहजपणे झाडे लावणे.

बियाणे गोळ्या म्हणजे काय?

बियाणे गोळ्या माती, खत आणि बियाणे एकत्र करून बनवल्या जातात. त्या मातीच्या गोळ्यांमध्ये बियाणे सुरक्षित राहतात आणि त्यांना योग्य वेळी अंकुर फुटायला मदत होते. या गोळ्या जमिनीवर टाकल्या की, त्या आपोआप मातीमध्ये रुतून बसतात आणि पावसाच्या पाण्याने त्या भिजून बियाणे रुजायला लागतात.

प्रात्यक्षिकात काय झाले?

या प्रात्यक्षिकात, गावकऱ्यांनी माती, खत आणि बियाणे यांचे मिश्रण कसे तयार करावे आणि त्याचे गोळे कसे बनवायचे हे शिकले. विशेष म्हणजे, यात पिंपळ खुंटे शाळेतल्या लहान मुलांनीही उत्साहाने भाग घेतला आणि बियाणे गोळ्या बनवल्या.

उपक्रमाचे फायदे:

कमी खर्च:

बियाणे गोळ्या बनवण्यासाठी जास्त खर्च येत नाही.

सहज लागवड:

बियाणे गोळ्या जमिनीवर टाकल्या की, झाडे आपोआप उगवतात.

पर्यावरण संरक्षण:

यामुळे झाडे लवकर वाढतात आणि पर्यावरणाचे रक्षण होते.

जंगल लागवड:

या पद्धतीने जंगल लागवड करणे सोपे होते.

या उपक्रमाचे आयोजन विकास घारे (बी. एस. इ फाउंडेशन) व डॉ .डी. वाय. पाटील कृषी महाविद्यालय येथील कृषी कन्या स्नेहा शिंदे, मानसी शिंदे ,भाग्यश्री सुडके, वैष्णवी पवार, वर्षा गिरी, ज्योत्स्ना पावरा यांनी केले होते. त्यांनी सांगितले की, “बियाणे गोळ्यांमुळे पर्यावरणपूरक शेती आणि जंगल लागवडीला प्रोत्साहन मिळेल.” गावकऱ्यांनी या उपक्रमाचे खूप कौतुक केले आणि भविष्यातही असे उपक्रम आयोजित करण्याची इच्छा व्यक्त केली.यावेळी गावचे सदस्य अमोल हिंगे, ग्रामस्थ योगेश हिंगे आणि सतिश गायकवाड,मुख्याध्यापिका सौ. प्रतिभा पाटील, सहशिक्षक सौ. शर्मिला राजमाने , व शेतकरी आदी उपस्थितीत होते.या कार्यक्रमासाठी डॉ. डी. वाय पाटील कृषी व्यवसाय व्यवस्थापनाचे प्राचार्य डॉ. एम. डी. जगताप, उपप्राचार्य आणि समन्वयक डॉ. एस. एन. पाटील, व ए. बी. एस.प्रा एच . एस

चिरमुरे यांचे मार्गदर्शन लाभले.