“औषधनिर्मितीतील गुणवत्ता राखण्यासाठी cGMP चे मार्गदर्शन – इंद्रायणी इन्स्टिट्यूटमध्ये तज्ज्ञ सत्र”
तळेगाव दाभाडे —
इंद्रायणी विद्या मंदिर संचलित कृष्णराव भेगडे इंस्टिट्यूट ऑफ फार्मास्युटिकल एज्युकेशन अँड रिसर्च, तळेगाव दाभाडे येथे “current Good Manufacturing Practices (cGMP)” या अत्यंत महत्त्वपूर्ण विषयावर तज्ज्ञांचे मार्गदर्शन सत्र आयोजित करण्यात आले. या विशेष व्याख्यानाचे प्रमुख वक्ते श्री. महेश देशमुख, Senior Manager, Quality Assurance, Emcure Pharmaceuticals Ltd. हे होते. त्यांनी औषधनिर्मिती प्रक्रियेत cGMP चे अनन्यसाधारण महत्त्व विद्यार्थ्यांसमोर सविस्तरपणे मांडले. श्री. देशमुख यांनी cGMP चा वापर करून औषधांची गुणवत्ता, सुरक्षितता आणि परिणामकारकता कशी सुनिश्चित केली जाते याचे उदाहरणांसह विवेचन केले. दूषितता टाळणे, उत्पादनाची सातत्यपूर्ण गुणवत्ता राखणे, तसेच नियामक निकषांचे पालन करण्याबाबत त्यांनी विद्यार्थ्यांना मोलाचे मार्गदर्शन दिले. औद्योगिक क्षेत्रातील वास्तव अनुभवांवर आधारित त्यांचे मार्गदर्शन विद्यार्थ्यांसाठी अत्यंत उपयुक्त ठरले.
या सत्रात D. Pharm, B. Pharm व M. Pharm अभ्यासक्रमांतील सर्व विद्यार्थ्यांचा उत्स्फूर्त सहभाग लाभला. विद्यार्थ्यांनी cGMP विषयी सखोल ज्ञान प्राप्त केले तसेच औद्योगिक प्रचलनांबद्दल प्रत्यक्ष समजही विकसित केली. कार्यक्रमाच्या यशस्वी आयोजनासाठी इंद्रायणी विद्या मंदिर संस्थेच्या व्यवस्थापनाचे विशेष सहकार्य लाभले. संस्थेच्या प्राचार्य डॉ. संजय आरोटे यांनी या सत्रासाठी पाठिंबा दिल्याबद्दल संस्थेचे व व्यवस्थापनाचे मनःपूर्वक आभार मानले.
