झेरॉन २०२५ सर्वांगीण विकासास प्रेरणादायी उपक्रम उत्साहात
आळंदी : अजिंक्य डी वाय पाटील स्कूल ऑफ इंजीनियरिंग प्रथम वर्ष विभागातर्फे विद्यार्थ्यांचा सर्वांगीण व व्यक्तिमत्व विकास व्हावा या दृष्टिकोनातून सामाजिक व सांस्कृतिक कार्यक्रमाचे आयोजन करण्यात आले. महाविद्यालयाच्या कार्यकारी उपाध्यक्ष डॉ कमलजीत कौर, प्राचार्य डॉ फारुक सय्यद व विभाग प्रमुख डॉ एस एम खैरनार यांच्या मार्गदर्शनाखाली प्रथम वर्ष विभागातील विद्यार्थ्यांच्या कलागुणांस वाव देण्यासाठी झेरॉन २०२५ संकल्पने अंतर्गत अभिनव उपक्रम राबविण्यात आला. प्रथम वर्ष विभागातील विद्यार्थ्यांद्वारे काव्य सादरीकरण, नृत्य कला, गायन कला, पोवाडा, पथनाट्य अशा विविध कला प्रकाराचे सादरीकरण करण्यात आले.
सदर उपक्रम यशस्वीतेसाठी प्रथम वर्ष विभागातील सर्व प्राध्यापकांनी व प्रथम वर्ष विद्यार्थी संघटना आदींनी विशेष परिश्रम घेतले. उपक्रमाचे संयोजन प्राध्यापक प्रकाश माळी व डॉ शोभा रुपणार आदींनी केले. महाविद्यालयातील विद्यार्थ्यांचे कलागुणांना वाव देण्यास अनुरूप असे नाविन्यपूर्वक उपक्रम राबविल्याबद्दल संस्थेच्या कार्यकारी उपाध्यक्ष डॉ कमलजीत कौर व प्राचार्य फारुक सय्यद यांनी प्रथम वर्ष अभियांत्रिकी विभागाचे विशेष कौतुक केले.
