श्री भैरवनाथ माध्यमिक विद्यालयात टाटा पावर व निरामय फाउंडेशनतर्फे भव्य आरोग्य शिबीर

बातमी:

वहानगाव –

बुधवार, दि. ०३ सप्टेंबर २०२५ आणि गुरुवार, दि. ०४ सप्टेंबर २०२५ रोजी श्री भैरवनाथ माध्यमिक विद्यालय, वहानगाव येथे टाटा पावर कम्युनिटी डेव्हलपमेंट ट्रस्ट आणि निरामय हेल्थ फाउंडेशन यांच्या वतीने आरोग्य प्रकल्पांतर्गत दोन दिवसीय आरोग्य शिबीर आयोजित करण्यात आले.

या शिबिरात विद्यार्थ्यांची सविस्तर आरोग्य तपासणी करण्यात आली. तपासणीदरम्यान आवश्यक त्या आजारांवर औषधे व गोळ्या देण्यात आल्या. तसेच विद्यार्थ्यांना संतुलित आहार, स्वच्छता, आरोग्य संवर्धन याविषयी मार्गदर्शन करून त्यांच्यात आरोग्याविषयी जागरूकता निर्माण करण्यात आली.

या प्रसंगी उपस्थित मान्यवरांमध्ये –

डॉ. क्षमा निकम, डॉ. आदित्य कांबळी, डॉ. सरोज काळे (निरामय हेल्थ फाउंडेशन), सौ. सविता कामथ, सौ. नलिनी पिंगळे, श्री. राजेश्वर दुपारे, श्री. प्रीतम कुमार (टाटा पावर CSR), सौ. शुभांगी दरेकर (टाटा पावर अनुश धागा मॅनेजर), श्री. स्वप्नील कदम, श्री. सुभाष केदारे, सौ. त्रिवेणी जाधव (निरामय फाउंडेशन) आदींचा समावेश होता.

 

सहशिक्षक श्री. धन्यकुमार पाटील, श्री. धनकुमार शिंदे, कु. दिव्या तनपुरे आणि कु. साक्षी गोगावले यांनी मान्यवरांचा सत्कार केला.

कार्यक्रमाचे मार्गदर्शन मुख्याध्यापक श्री. विनय नंदकुमार कसबे यांनी केले तर आभार प्रदर्शन सहशिक्षक श्री. संतोष बारसकर यांनी केले.

 

या उपक्रमामुळे विद्यार्थ्यांमध्ये आरोग्य व स्वच्छतेबद्दल जागरूकता निर्माण झाली आणि शिबीर अत्यंत यशस्वीरीत्या पार पडले.

 

 

—