इंद्रायणी विद्या मंदिर संस्थेच्या प्रा. प्रितम मुळे यांना राष्ट्रीय शिक्षक पुरस्काराने गौरव
तळेगाव दाभाडे :
तळेगाव दाभाडेच्या शैक्षणिक क्षेत्रासाठी अभिमानाची बातमी ठरावी अशी कामगिरी प्रा. प्रितम नंदकुमार मुळे यांनी केली आहे. Sarvepalli Radhakrishnan यांच्या नावाने दिल्या जाणाऱ्या National Teachers Award 2026 या प्रतिष्ठित राष्ट्रीय पुरस्काराने त्यांचा सन्मान करण्यात आला.
प्रा. मुळे हे Yashoda Mahadev Kakade College of Engineering, तळेगाव दाभाडे येथे रसायनशास्त्र (Chemistry) विषयाचे प्राध्यापक म्हणून कार्यरत असून विद्यार्थ्यांच्या सर्वांगीण विकासासाठी त्यांनी सातत्यपूर्ण, मूल्याधारित आणि नाविन्यपूर्ण उपक्रम राबवले आहेत. शैक्षणिक गुणवत्ता, समाजाभिमुख दृष्टिकोन आणि अध्यापनातील उत्कृष्टता यासाठी त्यांना हा सन्मान प्रदान करण्यात आला.
हा पुरस्कार सोहळा रविवार, दि. १ मार्च २०२६ रोजी सकाळी ९ वाजता Bharatratna Pandit Bhimsen Joshi Kalamandir, औंध (पुणे) येथे उत्साहात पार पडला. कार्यक्रमास महाराष्ट्र राज्याचे शालेय शिक्षण मंत्री Dadaji Bhuse हे प्रमुख पाहुणे म्हणून उपस्थित होते. तसेच Nilesh Sable (संस्थापक व मुख्य कार्यकारी अधिकारी, SwiftNLift Media Group) यांची विशेष उपस्थिती लाभली.
प्रा. मुळे यांच्या या राष्ट्रीय यशाबद्दल शैक्षणिक व सामाजिक क्षेत्रातून अभिनंदनाचा वर्षाव होत असून तळेगाव दाभाडेच्या शैक्षणिक परंपरेत हा मानाचा तुरा ठरला आहे. इंद्रायणी विद्या मंदिर संस्थेचे अध्यक्ष रामदास आप्पा काकडे, संस्थेचे कार्यवाह चंद्रकांत शेटे तसेच संस्थेचे सर्व संचालक यांनी पुढील वाटचालीसाठी शुभेच्छा दिल्या
