*तळेगाव येथे सुगी पश्चात कार्यशाळेचे उदघाटन*
तळेगाव दाभाडे :
तळेगाव दाभाडे येथे अप्पर मुख्य सचिव सहकार आणि पणन
आशियाई विकास बँक अर्थसहीत महाराष्ट्र ॲग्री बिजनेस नेटवर्क (मॅग्नेट )प्रकल्पांतर्गत के.एफ.बायोप्लांट व राष्ट्रीय सुगी पश्चात तंत्रज्ञान संस्था तळेगाव दाभाडे यांच्या संयुक्त विद्यमाने गुरुवारी (दि.१६) फुले पिक उत्पादने व सुगी पश्चात संबंधित कार्यशाळेचे उदघाटन राज्याचे मुख्य सचिव अनुप कुमार यांच्या हस्ते करण्यात आले.
यावेळी मॅग्नेट प्रकल्पाचे संचालक विनायक कोकरे, पुणे जिल्हा पीडीसी बँकेचे संचालक माऊली दाभाडे, मॅग्नेट प्रकल्पाचे अतिरिक्त प्रकल्प संचालक डॉ. अमोल यादव, राष्ट्रीय सुगी तंत्रज्ञान संस्थेचे संचालक डॉ. सुभाष घुले, उपसंचालक राजेंद्र महाजन, के.एफ बायोप्लांट चे सरव्यवस्थापक आशिष फडके, आयसीएआर चे शास्त्रज्ञ डॉ.गणेश कदम .गणेश खिंड कृषी केंद्राचे शास्त्रज्ञ डॉ. मोहन शेटे डॉ.विष्णु गरांडे, इंडिका फ्रेशचे श्री पंडित शिकारे, मॅग्नेट प्रकल्पाचे कैलास कुंभार, नितीन पाटील, केतन भक्कड व राष्ट्रीय सुगी पश्चात तंत्रज्ञानाचे अधिकारी व कर्मचारी व राज्यातील १६८ फुल उत्पादक शेतकरी उपस्थित होते.
सुरुवातीस सदर कार्यशाळे साठी तयार करण्यात आलेल्या फुल पीक माहिती पुस्तिकेचे विमोचन मान्यवरांच्या हस्ते करण्यात आले.
प्रास्ताविकात विनायक कोकरे यांनी मॅग्नेट प्रकल्प बाबतची सविस्तर माहिती सादर करून फुल शेतीसाठी मॅग्नेट प्रकल्प कसा महत्त्वाचा आहे याबाबत मार्गदर्शन केले. यावेळी बोलताना अनुपकुमार यांनी मॅग्नेट प्रकल्प हा देशातील एक यशस्वी प्रकल्प असल्याने एशियाई विकास बँके कडे देशातील आठ ते नऊ राज्याने या प्रकल्पाची मागणी केल्याचे सांगितले आहे. फुल शेतीमध्ये महाराष्ट्र राज्य हे एक अग्रेसर राज्य म्हणून पुढे आले असून नांदेड, धाराशिव आदी जिल्ह्यामध्ये फुल शेतीकडे शेतकऱ्यांचा कल वाढल्याचे निदर्शनात आणले आहे. राष्ट्रीय सुगी पश्चात तंत्रज्ञान संस्था हे फुल शेतीचे माहेरघर आहे असे नमूद करून तरुण फुल उत्पादक शेतकऱ्यांनी एकत्रित येऊन स्टार्टअप माध्यमातून या संधीचा फायदा घेतला पाहिजे असे सांगितले. फुल शेतीमध्ये मूल्य साखळी विकसित होण्याची आवश्यकता असून यामुळेच फुलांचा समावेश मॅग्नेट प्रकल्पात केल्याचे सांगितले फुल शेतीसाठी मुदत कर्ज व खेळते भाग भांडवलासाठी मॅग्नेट प्रकल्प अंतर्गत ५००कोटी उपलब्ध करून देण्यात आले असून याचा सुद्धा फायदा फुल उत्पादक शेतकऱ्यांनी घ्यावा असे डॉ.अमोल यादव यांनी सांगितले.
कार्यशाळेमध्ये संरक्षित फुल शेती बाबत के.एफ बायोप्लांटचे आशिष फडके फुल शेती लागवड याबाबतचे आयसीएआर चे संचालक शास्त्रज्ञ डॉ. गणेश कदम यांनी व फुलांची काढणी व्यवस्थापन व निर्यात याबाबत पंडित शिकारे इत्यादी तज्ञांनी मार्गदर्शन केले आहे.
सूत्रसंचालन ईश्वर बांदल यांनी केले आभार विश्वास जाधव यांनी मानले. दुपारच्या सत्रामध्ये सर्व उपस्थित उत्पादक शेतकऱ्यांना सोएक्स फ्लोरा या फुलाची निर्यात करणाऱ्या कंपनीची प्रक्षेत्र भेट देऊन त्या ठिकाणी उपलब्ध असणाऱ्या प्री कुलिंग,कोल्ड स्टोरेज ,पॅक हाऊस फुलाची काढणी व विपणन या संदर्भात कंपनीचे संचालक नरेंद्र पाटील व सरव्यवस्थापक धनंजय कदम यांनी मार्गदर्शन केले.
